招牌烤雞肉@土耳其小城

最近成日去飲茶大解放梗係食啲特別嘢！ 今次特登去試下土耳其菜, 市道唔好介紹一下平民價錢美食，網上有好多人推介招牌烤雞肉卷再配上Mango Lassi，所以我都想試 一下！

中午有午餐精選烤雞肉卷HK$49，好似茶餐廳咁涷飲加HK$5蚊，特色嘢飲就要加14蚊都分分鐘平過M記，而家快餐點都越嚟越貴, 當然廣告費都唔平, 羊毛出自羊身上! 另外，我叫多個午餐咖哩羊肉簿餅HK$65.

平日食印度菜我都會叫小食, 今次食土耳其菜都唔例外我叫咗個浮雲沙律！

浮雲沙律HK$52_裡面有生菜，橄欖，洋蔥，蕃茄， 配上乳酪醬汁， 爽脆鮮嫩！

烤雞肉卷餅HK$49_烤雞卷果然好出色, 雞用上香料醃製配上洋蔥生菜乳酪醬， 口感層次豐富!

除咗Mango Lassi我另外叫左杯薄荷茶睇下邊杯襯燒雞肉卷！如果你鍾意食印度菜，你會發現通常有薄荷乳酪醬汁，最後我都係覺得Mango Lassi比較夾！通常六七月我最愛去印度餐廳飲Mango Lassi, 因為Alphonso 芒果當造！其實我覺得杯薄荷茶好難飲🤯！

咖哩羊肉HK$65- 香料味十足，羊肉帶點騷味， 配上鬆軟煙韌薄餅一絕！土耳其咖喱顏色偏紅像北印度咖喱有薑黃、芫荽、辣椒、孜然、胡椒、肉豆蔻、等香料和薑。

香烤異地羊肉水稻飯HK$62

這裏的招牌菜羊肉水稻飯，羊肉用咖哩孜然粉醃製配上洋蔥蕃茄， 羊肉條入囗惹味但感覺好乾身。 如果有醬汁配搭可能會更好！

總結：下次只吃烤雞肉卷或咖哩羊肉不會仲伏！

土耳其小城
元朗青山公路239號萬昌樓地下C號舖 （朗平站）

Tel ： 27800225