【打不死的香港味道】@公和荳品

早係一百年前，公和荳品已經成立，輾轉已經經歷了三個世代，有咩風浪未見過丫!

黎到深水埗緊係要食佢陣懷舊味道啦！

公和荳品廠創於1893年至今既百年老字號，留有了一股懷舊氣氛，細心留意，你甚至會發現門口的白瓷方磚鋪牆，頭頂既古舊的吊扇，而家極其罕見既傳統滑輪收銀籃，全都都老過我同你，最重要既係流傳百年老字號既味道。

2017年入選米芝蓮街頭小食既公和荳品廠，因為一直只持有食物製造廠牌照而遭嚴打檢控，但無損食客對老店支持。據說用上加拿大非基因改造豆，確保質素，客人都食得放心。而留意，老店藏身於深水埗傳統市場旁邊，非常不起眼，店外市場環境雖有點髒亂，但無阻我食香滑豆花心情，因為我就係食佢舊式環境同味道!

公和豆腐花 HKD - 上枱時是原味，自己因甜度而加上黃糖。而食豆腐花其實熱食會比較食出原有豆香味，不過天氣實在太熱啦，緊係凍食啦，傻的嗎......食落口真係好細滑，傳統手動石磨出面既同出面機器製作真的有差別，內裡係有一屠一層既質感，所以特別軟滑，豆味又香又醇，不過自己覺得可以再凍D，因為而家天氣真係熱到個點呢。

煎釀豆腐 HKD -  除左有佢聞名既豆腐花，仲推出自家製既小食，新鮮製作既煎釀豆腐，面頭煎至金黃色，上面有一層經過調味既鯪魚肉魚膠緊合在豆腐，魚肉食到彈牙口感，鹹度調得岩岩好，豆味濃郁，蘸d些豉油就係絕配。

黃金魚腐 HKD - 煎至圓碌碌既黃金魚腐內裡是的軟軟的魚腐，食落好香口，不過可以煎短時間些，外皮可以更加鬆脆d! 建議可蘸d泰式辣醬，會似食緊泰國菜甘，哈哈。

公和荳品廠 (深水埗店)

深水埗北河街118號地下 (港鐵深水埗站 B2 出口, 步行約1分鐘)

營業時間: 星期一至日: 07:00-21:00