今時今日香港唯一一間豆品店仍然保留用明火磨製豆品，就係義香荳腐食品，因為用明火豆製品先配擁有全港獨有既焦味，反而帶出豆香! 去九龍城記得食碗先.....
如果有行開街市買餸都知，豆腐店緊有一間係左近，而好多名人，如周潤發都會特登黎買餸既九龍城街市，點會無一間有d份量既豆腐店丫。義香荳腐食品已有三十幾年歷史，店內除左豆腐花仲兼賣腐乳、豆卜、生根等等，還有自家製的炸腐皮卷，連素雞都有得賣，小食又有碗仔翅、涼粉等，而特別推介就係三寶。雖然係老字號，但真係款式五花八門，可見店主力求保留客仔的努力，同時價錢又好平民化，十幾蚊大大碗，係好多學生同媽媽都鍾意打躉既地道小店。
黑豆漿溝凍豆花 HKD$15 - 滿滿既黑豆漿，顏色比市面飲開為淡色，豆腐花份量不算很多。據聞義香既豆腐花會有陣焦味，反而變成左佢既特色。而蔡瀾先生都有提過，今時今日依間已經是唯一一家豆品店係香港仍然會使用明火磨製豆品，因為這味道是明火豆製品才配擁有既焦味，係一種獨特既味道同外間豆類製品不同。而我食落口真係有陣焦味，仲更加帶出到佢既豆味，而配上黑豆漿我覺得已經吾洗加糖，黑豆漿本身已帶點甜味。
義香豆腐花
HKD$ 9 - 因為糖水味道係清淡的，所以雪白既豆腐花自己加入黃糖。而依碗豆味比較淡淡的，相比黑豆漿溝凍豆花既焦香豆味有明顯分別，可能因為係自家製的，火喉控制都有一定難度。但仍然十分軟溜，都看出一層又一層既層次係入面。
炸三寶 HKD 20 - 入面有豆卜、齋雞同豆腐，其實原本炸三寶係無豆腐係配炸雲吞，但由於本人好貪心好想食豆腐同時食埋個齋雞，因為吾係度度都有新鮮自家制既齋雞食，好在老闆娘好人比我轉咋，哈哈。
義香荳腐食品
九龍城衙前塱道74號地下
星期一至日 11:00-20:00
沒有留言:
張貼留言