【豆腐花界既雙皮奶】@豆花譜

勁到要攞專利嘅豆腐花你食過未？今次比我地搵到間全港首創嘅專利豆腐花，黎錦上路一定要食！老闆話佢已經苦等在5年先敢拎出黎賣。係咪咁勁！？ 好啦老闆唔該！

如果大家去錦上路郊遊或農莊玩樂既話，一定要去埋錦田跳蚤市場入面既豆腐花。位於西鐵錦上路站出口，小小既墟市入面忍藏著一間香港人品牌， 自家製既「豆花譜」。

有好多朋友都酷愛豆腐花，又香又滑，而佢既營養價值都非常之高，因為黃豆係植物性蛋白質之王，高達36%，異黃酮卵磷脂又有助皮膚光滑白皙，減低骨質疏鬆有助降低膽固醇等，係好有營養既美食。而依間豆花譜，老闆話佢苦等5年，成功申請到專利先推出全港首創既豆花譜、靈芝咖啡同靈芝奶茶。全自家製豆腐花，雪糕同豆製品，質量同控制都非常高，點樣首創法? 好啦試過先講野! 老闆唔該~

椰奶豆花譜 HKD$30 - 外表有D似特大布甸，又好震騰騰同晶瑩，上面淋上左澳洲天然藍莓果醬。入口嫩滑，好有實實在在既豆味，並非豆香咁簡單，豆味加上椰香好配合，吾會好甜。加少少藍莓果醬會帶出果酸，更加開胃，但個覺得食佢既豆味同椰香已經好原汁原味。而不得不提，就係佢面頭有層類似雙皮奶既豆腐花皮，無錯係豆腐花皮，食落口係有陣重豆味出黎，吾怪得話係首創啦。

 

薑汁冰糖豆花譜 HKD$ 32 - 有淡淡既薑汁味，吾會話辣喉，豆腐花既濃郁豆味配上冰糖又好清甜，最後飲埋薑汁仲會覺得好潤喉，好清涼，熱天岩晒。

雪冰多士綠茶味 HKD $30 - 有小小烘過既白麵包夾住中間特厚既綠荼雪糕，加埋麥維他消化餅碎同藍莓果醬。老闆仲話麵包同雪糕要夾黎食先正，食落口有陣豆香加綠茶既甘味，我諗左好耐係邊間牌子雪糕，吾係H字頭同M字頭雪糕，因為味道明顯無甘甜，質感好實，口感都好濃稠。問左老闆先知原來係自己制既雪糕，嘩真係會吾會太有heart，真係要比個讚！

 

雪冰多士雲呢拿味 HKD $30 - 食埋個雲呢拿味又有驚喜，豆香比綠荼味雪糕再重，有微微既雲呢拿香，由於口感好濃稠，好似食緊冰凍豆腐甘，係啦點解唔直接叫豆腐味雪糕哈。加埋消化餅碎同藍莓果醬，甜度岩岩好，食完真係好滿足。

可能會有朋友同我講價格比出面高少少喎，但個人覺得支持小店，佢既誠意同質素黎講都係值得。

豆花譜 (錦上路店)

錦上路跳蚤市場

營業時間: 周六、日及公眾假期