2017年3大香港人氣Soffle Pancake 店大比拼】好軟綿綿啊!

間間Pancake店都話自已班戟最厚身，又好有空氣感，咁邊間最好食先?

今日比拼下依3間! (PAN de PAIN Pancakes & Sweets, 點子 Little Dot Room, 班戟館)

測試下佢地既「厚身、蛋香、質感、價錢」

想知結果一齊睇下啦!

第一位：PAN de PAIN Pancakes & Sweets (尖沙咀店)

參照日本人模式去做，仿日既設計為店子帶來高貴，入口即溶既口感又為店子帶來滿滿既人龍哈哈，將Soufflé班戟獨特口感發揮得更淋漓盡致，成為第一位!（18分）

 Soufflé班戟

厚身：★★★★★

輕型既質地選用了優質日本麵粉、3.6牛乳新鮮及蛋白，攪拌後保持厚身同挺身。

蛋香：★★★★☆

入口有淡淡既蛋香同散發牛乳甜香。

質感：★★★★★

切開後呈半流質，無論 外同內都有一定濕度，唔洗點用力已經可以切開。加上蜂蜜同CREAM一食落口， 口感好滑好輕盈，入口即溶。

價錢：★★★★☆

 HKD$ 68，兩份既班戟，還可以加多半份，因為入口即溶而又不甜膩，食完好似有D吾夠喉(本人係有D貪心)，不過食物同環境係有質素，已經好滿意!

第二位：點子 Little Dot Room (西環店)

以dot柄波點為主既café，店主親身飛到台灣試精挑了4款台灣鬆餅粉，改良成獨有配方，製作出十多款口味的鹹甜班戟。（16分）

點子-梳乎厘班戟

厚身：★★★★★

外表有些似海綿蛋糕，好厚身。

蛋香：★★★★★

而Pancake本身有些偏甜，但有好重既蛋香和小麥香。

質感：★★★☆☆

外乾而入面帶有少少濕度，有一些重量，而加上少少蜂蜜，有軟滑既口感。

價錢：★★★☆☆

 HKD$ 68，份量足夠，Pancake加上蜂蜜比較偏甜，而質感可以再輕型一點。

第三位：班戟館 (屯門店)

小小的店子內提供多種班戟甜品，而人流不段，等侯與製作時間需時，也可能是這些原因令到班戟食物質素參差，每次製作出的班戟也有不同，水準有待改進，對引來的追隨者有些失望。（7分）

限定巨人班戟

厚身：★★★☆☆

由三塊梳乎厘Pancake疊起而成，差少少有成隻手指甘高，放上檯度時仲震騰騰。

蛋香：★☆☆☆☆

有少少蛋香，但同時有少少發粉味。

質感：★☆☆☆☆

入口質感漿漿地，Pancake入面偏濕，切開後已經蓉蓉爛爛，沒有鬆軟感。

價錢：★★☆☆☆

 HKD$ 98，雖然由三塊梳乎厘Pancake疊起而成，有一定賣相同噱頭，但質素未免叫人失望。

總結：

今次【2017年3大香港人氣Pancake 店超厚班戟大比拼】PAN de PAIN Pancakes & Sweets勝出！因為選用優質材料，保持厚身同挺身，有淡淡既蛋香同牛乳香，切開後呈半流質，口感好滑好輕盈。未試過既朋友仔快D去試下啦！

All right reserved by Roy WG Choi
#Roy WG Choi#roywgchoi#foodie#foodandwinehouse#隨子緣#Pancake