【高檔懷舊扒房】@Boston

「過去的就讓它過去，曾經畢竟只是曾經」

曾經港式扒房風靡一時，鐵板潮流大受歡迎～

當年三大扒房之一嘅波士頓餐廳，就連開幕時都有報章報道，可想而知有幾架勢堂......

【高檔懷舊扒房】

以前波士頓餐廳、告羅士打、森美餐廳，都係大有名氣的扒房，一般只有一些特別日子先會去 ，絕對係當時嘅高級餐廳。隨後港式扒房開始攻入平民區，旺角、土瓜灣、深水埗等等地區出現。不過隨時代變遷，現已續漸消失，風光不再。而遺留下來的扒房，仍有不少家庭會刻意捧場，回憶往日情懷。

擁有五十多年歷史嘅波士頓餐廳，就係當年三大扒房之一，開幕時都有報章報道，可想而知有幾架勢堂！今日就要黎到灣仔鋸個扒先。

餐廳內環境比較昏暗，營造格調，而窗外景色面對著古蹟（前身：和昌大押）。

扒餐內包括餐湯、鹹餐包同餐飲，而一般港式西餐廳餐前都會包括。

暧暖的鹹餐包，不是平時的嘉頓衛星包，是自家製的，十分鬆軟。

羅宋湯十分足料，不會過稀，有大大舊牛筋肉，煲得好淋嘅紅菜頭。

火焰牛柳 HKD$ 175 - 當年首創嘅火焰牛柳,有個註冊洋名 Beef Brochette Flambé，而食火焰牛柳之前，仲有一個「表演項目」，侍應會先放低放了薯條同配菜係鐵板上，再拎出長劍刺著嘅牛柳，點一點旁邊帶有火焰的玫瑰露，放在鐵板，之後再淋酒，「馮」一聲火光熊熊。在附近的小朋友睇得目定口呆，其實仲包括我，哈哈。

牛柳十分嫩滑，肉汁非常豐富，我叫的是七成熟，不過其實真係唔知佢點控制火喉。外面是熟的，內裡是嫩紅，口感肉質鬆化。而濃濃嘅黑椒汁較咸同油，其實一般我都喜愛少汁少油，牛柳點一點醬汁已經好夠味，不過整體都好有水準。

            而墊底的炸薯條偏乾，不夠新鮮，但外邊很油而不脆，雜菜就正常，屬配菜水準。

厚切西冷扒 HKD$ 167 - 用嘅係紐西蘭牛扒，五成熟，分量十足。而西冷其實係牛嘅腰脊部分，仲有分前腰脊 Striploin 同後腰脊部分 Sirloin。西冷肉質會比較有彈性，肉味最濃。但可惜這份有些靭，同時入面有好多根，不太討好，相比火焰牛柳真是有些差距。

波士頓餐廳 (灣仔店)

灣仔盧押道3號

星期一至日 11:00–23:00