台中超人氣乾燒蛤】巴零閉! 自家養殖大蜆, 即燒即食超正!

【台中超人氣乾燒蛤】巴零閉! 有無食過自家養殖嘅大蜆即燒即食超正!

【台中超人氣乾燒蛤】

經過逢甲大學圍牆就見好多人圍住間鋪頭門面真係令人聯想到係炎炎夏日旁邊就有間"海邊小屋"依間小店就連台灣電視節目愛玩客都有介紹逢甲海邊小屋蛤蝦專賣店打正旗叫天下第一鮮! 無錯真係甘巴閉因為佢d食材真係由老闆養殖的超新鮮大力推薦!

大海原味 乾燒蛤 約HKD$22 - 一份入面有10隻左右而隻隻蜆都好飽滿食落去湯汁係口裡面爆出黎帶有微微嘅米酒香唔需要加配料都已經好鮮甜所以第一次食就一次要食大海原味! 真係令人欲罷不能很想要吧。

濃厚系黑胡椒 乾燒蛤 約HKD$22 - 同樣一份有10隻左右嚴用左有機黑胡椒原粒秘製帶有微辣而且刺激嘅口感但依然食到佢鮮甜多汁 風味十足。

重點係食左咁耐仲一粒沙都無非常乾淨據知仲有特別處理過將一湯匙嘅鹽同250CC水放入煲而水溫係關鍵因素之一因為15度嘅水溫係最適合吐沙嘅溫度。冚埋煲蓋D蜆會慢慢吐沙啦! 等一到兩個鐘就吐沙完全~ 天下第一鮮真係無介紹錯。

海邊小屋Seaside Cottage (全世界第一の乾燒蛤專売店)

台中市西屯區文華路121-12號(斜對面)臺中市

營業時間: 星期一至日 18:30 - 23:00

All Right Reserved By: Roy W.G.Choi
#Roy W.G.Choi#隨子緣#台中超人氣乾燒蛤

【台中必食平價海鮮】＠【一將燒】鐵板料理

去到台中梗係要食平價海鮮啦!今次帶大家食高級鐵板燒小吃有日本北海道大干貝、彈牙海蝦、香煎三文魚同埋好特別嘅鐵板煎生蠔通通都係逢甲夜市嘅『一將燒』。

台中嘅逢甲夜市真係新奇小食嘅集居地應有盡有「一將燒」將高級鐵板燒帶入逢甲小巷中小小嘅檔口其實主廚大有來頭曾經係酒店廚師特別嘅裝飾充滿日式風味門面又可見一些小可愛擺設。

正海合盛 約HKD52 -  滿滿嘅盒內包含兩隻大草蝦、三文魚、周干貝配簡單嘅玫瑰鹽、胡椒等去香煎而成過程中視覺同味覺都係極級享受!

見議大家要先試湯汁都係精華部分要趁熱飲呀而鮮嫩嘅干貝煎到外表小小金黃、裡面好嫩滑。 

三文魚肉質好鮮嫩個人口味再生少少更加嫩滑。但據說係黎自挪威雖然係最上等大家就要衡量好唔好食咁多但當然我食完無事啦哈哈!

大草蝦已經切成頭尾兩部分同去走中間蝦殼比大家可以大口大口咁享用味道好鮮甜配蔥花同洋蔥特別有風味。

大鮮生蠔(6隻) 約HKD78 - 係呀你無睇錯平均都係13蚊一隻咋! 雖然佢有比竹籤比你但直接用手食係幾方便吾係講笑同我手掌差唔多大。而佢都會先鐵板煎好同平時食生蠔食法有少少唔同先飲左生蠔內嘅湯汁仲帶有暖暖嘅海水味。再試埋烤好嘅生蠔因為鐵板煎烤過顯得縮左少少水食落仲好軟滑保留到平時食生蠔嘅味道我仲擔心變蠔豉哈哈愛上鐵板料理手法岩岩好保留左生蠔的鮮味而帶點暖身黑胡椒味又不會蓋過海鮮味好幸福呀!

「一將燒」將最新鮮最原始嘅海鮮味道用心烹調絕對係逢甲夜市最專業級嘅小食絕對要去食呀!

【一將燒】鐵板料理

地址台中市西屯區逢甲路20巷36號

營業時間週一週日　18:00 到 24:00

All right reserved by Roy WG Choi
#Roy WG Choi#roywgchoi#foodie#foodandwinehouse#隨子緣#台中必食平價海鮮