團日式拉麵 JNITY RAMEN@ 荃灣

唔敢去日本, 返香港又要隔離， 係香港食日本拉麵頂下癮先！團日式拉麵銷售體驗非常特別，首先在門口要用自動販賣機選擇你想食的拉麵款式包括魚介拉麵， 櫻花蝦拉麵， 黑蒜油拉麵， 辛味拉麵， 之後選擇麵的品種，曲麵或直麵，麵的軟硬度和配料， 然後按確定， 你要準備一張$100元紙幣， 放入販賣機內， 然後好像汽水機一樣， 找回硬幣和收據，之後入小店坐低， 拉麵好快就到。

魚介拉麵HK$80- 一入口湯底有魚介堅魚豚骨味道，濃厚而不油膩，如果魚介鹹香味突出一點會更好！直麵條爽滑彈牙， 叉燒炭燒味濃，有木魚絲，筍和蔥，溏心蛋時間掌握得剛剛好，一咬下就見到中間流心，真的不得了！

黑蒜油拉麵HK$83 _黑蒜油湯底有豚骨湯作湯底，黑蒜油味濃，配上叉燒、溏心蛋，紫菜，筍，味道尚算平行，我覺得黑蒜油湯底很難做因味道太濃會蓋過豬骨湯的味道！

團日式拉麵 JNITY RAMEN

荃灣大屋街18號金豐閣地下1-2號舖  （港鐵荃灣站 B1 出口, 步行約9分鐘）

一幻拉麵荃灣店新開張！限時拉麵買一送一！Ebisoba Ichigen Hong Kong

 一幻拉麵荃灣店新開張！限時拉麵買一送一！

 

來自北海道札幌，以蝦湯底聞名的一幻拉麵，最近於荃灣荃新天地開設香港第5間分店，而且推出首五天(2021年7月8至12日)任何拉麵買一送一優惠。

門口相當大方整潔，排隊是常識吧！

  

 

招牌蝦湯拉麵 HK$88

招牌拉麵湯底的蝦味果然十分濃郁，筆者選擇了幼麵，覺得拉麵質感都不錯。每碗麵均附有溏心蛋半隻及兩塊日式叉燒，溏心蛋味道可以，不過不失，日式叉燒經過炙燒處理，加上附加蒜蓉和特製紅薑天婦羅麵酥(好正)，美味一試難忘。

附加蒜蓉份量隨你口味添加。

 

總結：

今日適逢買一送一優惠，兩人第一次吃都點選了招牌蝦湯拉麵。

一人點了鹽味，味道比較淡，醬油味比較濃，味道都不錯，大家可憑喜好選擇。

唯一美中不足是吃完拉麵後我倆都感到異常口乾，可能湯底味精比較重吧!

提醒我人生就是應該多喝水啦👅😂😂😂😂 

除此以外整體來講，一幻拉麵的確是非常美味，絕對值得一試，再加上買一送一優惠，二人大約$100可落樓，更是物超所值。

一幻拉麵 Ebisoba Ichigen Hong Kong

荃新天地1期UG02號舖

 

老厝邊- 必食超濃芋泥蛋餅,花枝丸咸到食完驚有腎病!

冇得去台灣食住台式小店等住先, 荃灣開咗間老厝邊，喺荃灣廣場後面，食兩次唔走樣就介紹比大家！必食超濃芋泥蛋餅HK$38，其他嘢唔試都冇所謂,香炸花枝丸咸到我驚個腎有事! 🙊

超濃芋泥蛋餅 $38_咬下蛋餅Q彈，裏面有芝士， 小小肉鬆， 芋泥蓉嘴裏跑出來，裡有一粒粒芋頭， 層次豐富,再配上蒜香的鹹甜醬, 正👍

 

滷肉飯（小）HK＄30-肥美的豬肉加上香濃的醬汁，超下飯又美味！不過這個醬汁不夠濃味，效果未如理想！

滷肉乾拌麵HK＄38 - 普通嘢囉! 好食唔輪到佢! 醬汁不夠濃味，效果未如理想！

香炸魷魚HK＄35-外脆裡面煙韌彈牙，唔會太鹹, ok !

香炸花枝丸HK$30-咸到死! 食完我驚個腎有事! 食材唔新鮮，先至醃到咁咸！

                              百香紅茶HK＄22-普通嘢！茶底唔靚，冇期望，冇失望！

老厝邊
TEL：23328885

荃灣大壩街25號地舖 (荃灣廣場後面)

港鐵荃灣西站 B 出口, 步行約13分鐘

十二味@荃灣如心廣場商場二期

最近肺炎市道不景氣， 好多人失業或減人工， 中午食個茶餐廳都要六十幾蚊 ,所以今期推介商場高CP值餐廳， 坐得舒服又乾淨。荃灣如心廣場十二味食碗酸菜牛肉麵$58, 午餐有ABCD，任君選擇, 我叫C餐，酸菜魚飯送酸梅湯都係 $68。

門口有午餐菜單A麻辣香鍋$48，B川式口水雞$68，C酸菜魚$68，D乾煸四季豆$42

用手機掃QR Code就可以落單，好方便！

     C餐---酸菜魚飯送酸梅湯$68-魚片入口身，湯底酸酸地小小麻辣，帶有很香的芝麻味道。

      酸菜牛肉麵$58- 有香麻味道而且不會太辣 ，肥牛份量適中，麵條入口彈牙！

十二味

地址：荃灣大河道98號如心廣場商場二期2樓215號舖

港鐵荃灣西站 D 出口, 步行約3分鐘

All right reserved by Roy WG Choi
#Roy WG Choi#roywgchoi#隨子緣#荃灣#如心廣場商場二期#酸菜魚飯

石板燒@祕

平時係荃灣返工，荃灣的餐廳我都試唔少，有一間隱秘餐廳門口裝修好特別，開咗兩年久唔久都去食下，都保持到一定的水準，所以先推介比大家，值得一試！

菜單的招牌菜見到吉列牛和日式板燒牛，一定要試一試！板燒吉列牛 $98, 板燒安格斯牛 $98每款主食都可以另加$38 配定食，定食包括咗流心蛋，櫻花昆布湯同一碗飯素。

板燒吉列牛 $98-  牛肉的脂肪分佈平均，外層用麵包糠包住，再以高溫油炸，鎖住肉汁，之後你想點就點，想燒幾熟就幾熟！入口外層內軟，一咬下肉汁在口中溢出，帶有豐富層次!

開始燒之前，記得記得燒一燒個肥油，咁樣會無咁容易燒焦！

板燒安格斯牛 $98-  入口牛味香濃又多汁，唔講咁多啦！好肚餓呀！

評分
味道：****
環境：***1/2
服務：****
衛生：****
抵食：***1/2

地址：荃灣享成街22號地舖  （港鐵荃灣西站 E2 出口, 步行約11分鐘）

電話： 23509177

All right reserved by Roy WG Choi
#Roy WG Choi#roywgchoi#隨子緣#荃灣#石板燒@祕