【一分鐘冰室】
好多第一次黎到南龍冰室嘅食客，此時此刻都會幻想對住深愛嘅另一半講：「又而家開始，我地就係一分鐘嘅朋友；因為你，我會記得嗰分鐘。」一切一切嘅故事，就又依一度開始......
無錯，阿飛正傳嘅故事就係由依度發生，雖然事過景遷，始於1961年嘅南龍冰室原有地址筲箕灣，因為地產霸權惹，要令老店被迫結業，好彩好心人肯投資再度經營，得以在銅鑼灣重生。
鋪內其實好新好乾淨，以復古嘅裝修為主，無論地上的階磚、座椅和樓梯，都保留六、七十年代的冰室風味。而食物方面，雖然係一般茶餐廳款式，如西多士、雞批、沙律及叉燒意粉等，但係有水準的。
雖然店家供應的也是一般茶餐廳的大路款式，如西多士、雞批、火腿炒蛋及菠蘿油等，但絕對係有水準，唔係呃遊客生意。
法蘭西多士 -
西多士炸至金黃色，但唔會好多油，而且仲有蛋香味。入面食到好多嘅花生醬，同埋只係落左少少糖槳，感覺唔太膩又OK喎，食多幾啖不知不覺已經全部食晒，好邪惡呀!
菠蘿油 -菠蘿油冷熱交融，牛油冷，麵包熱同埋好軟熟，唔會話又實又油，而菠蘿包個皮好鬆脆。
吉列魚柳配沙律 - 吉列魚柳比想像中大塊好多，仲大過我手掌，肉質好嫩滑，
沙律嘅用料新鮮，唔似係平時既罐子水果，特別係個沙律醬好出色，又香又甜，似用cream打成獨有的沙律醬。
紅豆冰 -
大大杯紅豆冰，紅豆份量好多，煲得好綿又有紅豆香，同埋重奶味，絕對係我口味。真心比起一般荼記紅豆冰水準高一班。
南龍冰室（銅鑼灣店）
銅鑼灣敬誠街1-3號地舖及1樓
星期一至日 07:00-23:00
