《爵樂印度餐廳》(Gaylord Indian Restaurant)

大學同學聚會原來瞬間已經八年沒有見面，今次由一位印度同學安排去吃印度菜，位於尖沙咀叫《爵樂印度餐廳》(Gaylord Indian Restaurant)性價比高, 環境舒適，室內和室外露台座位，值得推介！

你知道印度西北部和南部的食物有什麼分別呢？南印度的食物喜歡放在芭蕉葉上，北印度菜比較像中東菜的樣子，印度燒雞菜式是其中之一。

點菜當然由印度同學發板，她點了一些餐前小吃例如印度燒雞件，串燒雜菜卷，印度薯角，可以一邊食，一邊傾計，講下讀書時的開心事，人大了回憶過去的事情，總是美好的。

通常吃印度菜前菜一定不少得香脆胡椒餅（ Poppadom），配上綠色的薄荷醬。

咖哩角（Samosa）－一口咬下脆卜卜，裡面有香料味的薯蓉餡料。

印度燒雞件（Chicken Maiai Tikka）HK＄138( 四件）－在不同印度餐廳都會吃過燒雞是印度西北部的菜式，雞件用香料及酸奶把雞醃成紅色，而且通常用洋蔥，扁豆，檸檬。

串燒雜菜卷HK$148(4條）－一口咬下，外層餅皮鬆化，裡面雜菜酸酸甜甜，感覺很特別！

這裡有兩款「印度咖哩」一款是洋蔥紅茄香汁燴雞球(瑪莎拉)，另一款是印度豆子咖哩，配飯naan和 Roti。左手邊是Naan，右手邊是Roti用沒有發酵的全麥粉用平底鐵板鍋煎烤，看起來顏色比較深，入口比較脆，沒有Nann 那麼厚實煙韌。

這個印度香飯賣相很特別像一頂帽子，一打開香飯吃一口嘴裏充斥著不同香料的味道，如丁香、辣椒、胡荽、孜然、豆蔻、薑黃粉。

吃印度餐我一定會試 Mango Lassi ，入口酸酸甜甜，不過沒有太大驚喜。

我覺得好飲的Mango Lassi，一定要用新鮮印度阿芳素芒果(Alphonso)先有印度風味。

香港我飲過最好飲的Mango Lassi都係得KK正宗印度餐廳！

《爵樂印度餐廳》(Gaylord Indian Restaurant)

評分：（以5個&為滿分）
食物：&&&&
服務：&&&&
環境：&&&&

尖沙咀北京道12A號太子集團中心5樓

營業時間
今日營業     12:00 - 14:45 ，18:00 - 22:45
星期一至日 12:00 - 14:45  ， 18:00 - 22:45

All right reserved by Roy WG Choi
#Roy WG Choi#roywgchoi#foodie#foodandwinehouse#隨子緣#HKIndianfood#印度餐廳

日本的味道＠PAN de PAIN Pancakes & Sweets

一講起Pancake，好多朋友都會問有無試過尖沙咀個間Pan de Pain呀!? 係日本手製既Pancake店黎。好多人以為係日本神級Pancake店襲港! 其實係高度日系既甜品店, 仲係似日本代官山Café個種，不過如果有質素又何須理出處呢。

平日下午去，吾係好多人，好在排左10分鐘就入得去啦，因為假日要排成半個鐘至一個鐘。

據知年輕老闆娘為左籌備新店，親自去日本取經，花左大半年時間到當地班戟名店試食，用日本人個套模式去做，連個MENU都有日本插畫同日文，裝潢簡潔，以黃色為主調，連餐具都係用上金色。

Soufflé班戟 HKD$68 – 賣相無特別花巧，夠厚身，而聽聞選用優質日本麵粉及3.6牛乳新鮮，讓Pancakes分外鬆軟，散發牛乳甜香。切開後呈半流質，無論外同內都有定濕度，唔洗點用力已經分開左。加上蜂蜜同CREAM一食落口，口感好滑好輕盈，好快就溶左落口，蛋味好香，蜂蜜又不會太甜，只可以講句，真係好Soufflé。

Original Pan de pain HKD$68 - 試食個原味，真係好原味喎，牛油同Cream配上薄薄既PANCAKE，有淡淡的蛋香，香軟。

Snow White Pancake HKD$88 - 將雪白既漿汁淋在香軟既Pancake上，賣相真係一流。白色漿汁主要用在白朱古力同芝士做，配上Pancake又香又甜又鬆化，鍾意甜食既朋友可以一試。

Tropical-Pineapple, Pear, Apple HKD68 - 果汁係非常清甜，因為入面都係滿滿既水果，如士多啤梨、橙、青檸，酸酸甜甜好清新，好開胃。

PAN de PAIN Pancakes & Sweets (尖沙咀店)

尖沙咀河內道18號K11購物藝術館B1樓B111B號舖

營業時間:  星期一至五11:30-22:00

星期六至日11:00-22:00

帶霸媽去食霸嗎拉麵(尖沙咀店)

今次黎到尖沙咀，天呀又係排隊呀，因為今次係熱門拉麵店之一既霸嗎拉麵，我地無理由唔去食。標榜住廣島規模最大的拉麵連鎖店，但實力真係要試過先知，希望唔係宣傳策略名過於實啦。

店內環境其實唔錯，重點係佢既坐位有一定空間，我其實好怕同陌生人坐得好近甘食野。

價錢方面都係一舨市面上既拉麵價錢$80-100，見到仲有得選擇少油，幾好喎形合到香港人。

信州蘋果梳打HK$28 - 其實都因為見到係信州蘋果先要試下，因為信州蘋果係去日本長野必買既手信，而長野又名為信州。而飲品味道香甜又清香，有少少偏甜但可以接受。

 羽根燒餃子 HK$35 - 餃子煎出薄薄既脆邊又唔太油，菜肉平圴，但個皮真係太過靭，口感似食緊一層膠面，有待改善。

 雞叉燒味玉雞白湯拉麵HK$88 - 選擇了軟麵同少油。湯底有好濃既雞味，不過已經叫咗少油，但成碗都好多油份。雞肉同叉燒加埋一齊都幾創新，將雞扒燒成叉燒，而且叉燒有厚度，入口嫩滑不會覺得太肥。

直身幼麵應係使用自家製麵造出，麵條軟硬度同掛湯能力都屬中等。原隻溏心蛋，十分流心，而蛋香同醬油入味程度都正常，還可以。

招牌灸燒豚肉味玉拉麵HK$88 - 選擇了適中麵同少油。聽聞依個湯底係日本做好再空運過黎，入口好濃稠，但並非黏口，很有水準。燒豚肉相比厚切雞肉算薄身，肥瘦比例接近瘦肉5:4脂肪，口感很佳，燒焦的邊位令豚肉更加香口，火喉同食材選擇都好有水準。而筍片的口感不夠爽口，可能是切法問題，因為竹筍纖維是直的，因此要橫切才能切斷纖維，口感才會細緻。

霸嗎拉麵 (尖沙咀店)

尖沙咀金巴利道26號地舖

營業時間: 星期一至日: 11:00-01:00

All right reserved by Roy WG Choi

#Roy WG Choi#隨子緣#霸嗎拉麵